Тәуелсіздік — халықтың сан ғасырлар бойы еркіндікті аңсаған қажырлы күресінің өтеуі. Ата-бабамыздың арман-мұратының салтанат құруы. Тәуелсіздік – қазақ халқының ерік-жігері. Азаттықтың қазаққа оңай келмегені хақ.
Ел егемендігінің 30 жылдық меретойына орай Федоров қазақ жалпы орта білім беретін мектебінде дөңгелек үстел өтті.
Оған ауылдың құрметті ардагерлері Ғұсман Қатабаев, Білікбай Қазихановтар қатысып, оқушыларға тәуелсіздік алар тұстағы ауылшаруашылығындағы және білім саласындағы қиындықтар мен жетістіктер жөнінде әңгіменің тиегін ағытты. Сондай-ақ шараға тәуелсіздіктің төл құрдастары аталмыш мектептің ұстаздары Замир Қабиев пен Мейрамгүл Нұрталапқызы да куә болды. Қос мұғалім қазіргі таңдағы жетістіктері, келешектің жоспары хақында ойларын ортаға салды.
Жас ұрпақты Отанын, елін сүйіп, өз еліне адал қызмет жасауға шақырды.
Кездесу соңы концерттік бағдарламаға ұласты.
Елырыс Елмұрат,
Теректі ауданы
