10 қаңтар Мемлекет басшысының Жарлығымен елдің бірқатар аймақтарындағы қайғылы оқиғалардың салдарынан көптеген адамдардың қаза болуына байланысты Жалпыұлттық аза тұту күні болып жарияланды.
Өкінішке орай, Қызылорда мен Талдықорған қалаларындағы тәртіпсіздік кезінде Ұлттық ұланның мерзімді қызметтегі екі әскери сарбазы Мадияр Қайсаров пен Айбат Кәрімов қаза тапты. Олар Отан алдындағы борышын соңына дейін адал орындап кетті.
Олар наразылық митингі барысында қаруланған содырлар мемлекеттік мекемелерге шабуыл жасады, осы қылмыскерлерге тойтарыс беру кезінде қайтыс болды. Сол кезде қатардағы жауынгер Мадияр Қайсаров Қызылордадағы қоғамдық тәртіпті қалпына келтіру кезінде жауынгерлік міндетті орындады. Мадияр қаруластарын итеріп құтқарып, өзі қылмыскердің жүк көлігінің астына түсті.
Қатардағы жауынгер Айбат Аманов Талдықорғанда заңдылық пен құқықтық тәртіпті қалпына келтіруге қатысты. Айбат мародерлермен шайқаста қаза тапты. 20 жастағы Мадияр Қайсаров пен 19 жастағы Айбат Аманов барлық әскери құрметпен жерленді.
Осы орайда, 5517 әскери бөлімінің плацында әскери қызметшілерді, құқық қорғау органдарының қызметкерлерін және біздің азаматтарымыздың игілігі үшін қаза тапқан бейбіт тұрғындарды аза тұту қаралы митингі өтті.
Қаралы митингке Қазақстан Республикасы Ұлттық ұланы "Батыс" өңірлік қолбасшылығының қолбасшысы, генерал-майор Арман Жұмағалиев, 5517 әскери бөлімінің командирі, подполковник Сағындық Алкайдаров, Ұлттық ұлан "Батыс" өңірлік қолбасшылығының ардагерлер кеңесінің төрағасы, запастағы подполковник Бақытжан Бердиев, "Батыс" өңірлік қолбасшылығы басқармасының және 5517 әскери бөлімінің жеке құрамы қатысты.
- Қазақстанға лаңкестік шабуыл нәтижесінде бейбіт адамдар, құқық қорғау органдарының қызметкерлері және Ұлттық ұланның мерзімді қызметтегі екі әскери қызметшісі: қатардағы жауынгер Мадияр Қайсаров (5547 әскери бөлім Қызылорда қаласы) және қатардағы жауынгер Айбат Аманов (5514 әскери бөлімінің Талдықорған қаласы) қаза тапты. Жүздеген адамдар әртүрлі дәрежеде жарақат алып, жарақат алды. "Батыс" ӨңҚ қолбасшылығының иелігінен және жеке өз атымнан қаза тапқан жауынгерлер мен полиция қызметкерлерінің туыстары мен жақындарына, достары мен жолдастарына қайғырып көңіл айтамын. Жүректеріміздегі қайғы-қасіретпен біз және барлық қазақстандықтар зардап шеккен осы орны толмас шығынды олармен бөлісеміз.
Беріктікке сынаудың осы қиын қыстау күндерінде Ұлттық ұландықтар өздерінің Қазақстан халқына және әскери антқа деген адалдығын дәлелдеді, ерліктің және қайсарлықтың жаппай үлгісін көрсетті,- деп атап өтті генерал-майор Арман Жұмағалиев.
— Біздің әскери қызметшілеріміздің қаза болуы – бұл олардың туыстары мен жақындары үшін ғана емес, бүкіл еліміз үшін орны толмас қайғы. Қылмысқа қарсы күресте қаза тапқан батырлардың есімдері біздің жадымызда мәңгі қалады! "Олар өздеріне жүктелген әскери міндетті абыроймен орындады", – деді Ұлттық ұланың "Батыс" өңірлік қолбасшылығы ардагерлер кеңесінің төрағасы, запастағы подполковник Бақытжан Бердиев.
Бүгінгі күні еліміз үшін қиын уақытта қалыптасқан жағдайға байланысты "Батыс" өңірлік қолбасшылығы әскери бөлімдерінің жеке құрамы құқық қорғау органдарымен бірлесіп, қойылған қызметтік-жауынгерлік міндеттерді лайықты орындауда.
Айта кету керек, Ұлттық ұланның барлық әскери бөлімдерінде мемлекеттік жалаулар түсіріліп, барлық спорттық және мәдени-демалыс шаралары тоқтатылды.
Подполковник Ерболат Сұлтанов,
Орал қаласы
