Бүгін Шыңғырлау ауданы орталығында тұрғын үй секторындағы өрт қауіпсіздігі бойынша рейдтік жұмыстар жүргізілді. Рейдтің басты мақсаты – өрт салдарының алдын алу, қауіпсіздік шараларды күшейту, тұрғындарға өрт қауіпсіздігі туралы ақпарат беру болып табылады.
Осы мақсатта төтенше жағдайлар бөлімі, №23 өрт сөндіру бекеті және жергілікті атқарушы органдармен бірлесіп, тұрғын үй секторларында орын алған өрт барысында әрекет ету алгаритмін пысықтады.
Рейд барысында аудандық төтенше жағдайлар бөлімінің бастығы азаматтық қорғау капитаны Б.Катчеков жиналғандардың өрт барысында әрекет ете білуін, талапқа сай жұмыстануын жете тапсырды.
Төтенше жағдай орын алғанда немесе өрт болған жағдайда «101» немесе «112» нөмірлеріне хабарласыңыздар.
Аман Іхмұхан,
Шыңғырлау ауданы
zhaikpress.kz
