Халықаралық валюта қорының директоры Кристалина Георгиева Украинадағы жағдайдың ушығуына байланысты елге салынған санкциялардан Ресей дефолт болуы мүмкін екенін айтты, деп хабарлайды ҚазАқпарат ТАСС-қа сілтеме жасап.
«Ресейге енгізілген бұған дейін болмаған санкциялар елді рецессияға ұшыратты. Біздің болжамға сәйкес, бұл рецессия айтарлықтай күрделі болады. Дефолтқа қатысты айтар болсақ, ол да болуы ғажап емес», - деді Георгиева CNBC телекомпаниясына берген сұхбатында.
ХВҚ басшысы Ресейдің «дефолтқа ұшырау тақырыбын спекуляция жасағысы келмейтінін» атап өтті.
Оның пікірінше, бұған антиресейлік санкциялар қаншалықты ұзақ болатыны, РФ-тің өз қарызын төлеу мүмкіндігі бар-жоғы ықпал етеді. «Екеуі де әзірге белгісіз», - деді ол.
