Осындай атаумен Сырым ауданының орталық алаңында 1 маусым - Балаларды қорғау күніне арналған мерекелік шара өтті.
Мерекелік шарада аудан әкімінің орынбасары Асланбек Сарқұлов балаларды мерекемен құттықтап, жылы лебізін білдірді.«Қайсар» спорт клубының ұйымдастыруымен асфальтқа сурет салу, арқан тарту ойындары ойнатылса, Сырым аудандық төтенше жағдайлар бөлімі арнайы қауіпсіздік ережелерімен таныстырып, тәтті балмұздақтар таратты. Кішкентай достарына ертегі кейіпкерлері де өздерінің арнайы бағдарламаларына сай көңілді ойындар ойнатып, балалармен флешмоб биледі.
Аудандық байқауларда үздік деп танылған, көпбалалы отбасылардан шыққан 50 бала аспанға шар ұшырып, мерекелік көңіл күйге бөленді.
Жас өнерпаздар ән салып, би билеп шараның көркін қыздырды.
Айжан Бауыржанқызы,
Сырым ауданы
zhaikpress.kz
