Мәдениет үйінде 1 маусым – Халықаралық балаларды қорғау күніне және балалар жылына орай Қаратөбе аудандық білім беру бөлімінің ұйымдастыруымен «Айгөлек - 2022» балалар байқауы оздырылды.
Байқауда «Ән», «Топтық би», «Батырлар жырын жатқа мәнерлеп оқу» бойынша 14 бүлдіршін өз өнерлерін ортаға салды.
Сайыс нәтижесінде «Батырлар жырын мәнерлеп оқу» бойынша бас жүлдені Аружан Серікқали (Жақсыбай НОМ МАД сыныбы) жеңіп алды. І орын Сәбира Берікқызы («Балбұлақ» бөбекжайы), ІІ орын және ІІІ орындар Жанерке Ерболат (Аманшин ат.ЖОББМ МАД сыныбы) және Рақымжан Жалғас (Шөптікөл МББК) иеленіп, алғысхаттармен марапатталды.
Ән жанры бойынша «Жазира» бөбекжайынан Інжунұр Мусабек бас жүлдені иеленді. І орын Еркеназ Шектібайға (Қалдығайты ЖОББМ МАД сыныбы), ІІ орын Замира Маханбетке (Қаракөл МББК) бұйырса, ІІІ орындарға Сәбина Қуанғали («Балбұлақ» бөбекжайы) мен Нұрайым Есенғали (Аққозы МББК) табан тіреді.
Би жанры бойынша бас жүлде «Балдырған» бөбекжай бүлдіршіндеріне бұйырды. І орынды Жамбыл МББК, ІІ орынды «Айгөлек» балабақшасы, ІІІ орынды Қалдығайты ЖОББМ-нің мектепалды даярлық сыныбының бүлдіршіндері иеленді. Өнер байқауында үздік өнер көрсеткен бүлдіршіндерге дипломдар мен бағалы сыйлықтармен марапатталды.
Ерболат Райсов,
Қаратөбе ауданы
zhaikpress.kz
