"АMANAT" партиясының Бөкей ордасы ауданындағы филиалында қабылдау өтті.
Қабылдауда партияның аудандық филиал атқарушы хатшысы Исатай Құрмашев Астана күні мейрамымен құттықтап, әсем қаланың ел астанасы болып қалыптасуындағы партияның рөлін айқындап, жалпы аудан өміріндегі партияның атқаратын қызметіне де жіті тоқталды. Өз кезегінде партияның бастауыш ұйым жетекшісі Қуаныш Елемесов Қазақстан тарихындағы астаналардың ауысу себептеріне шолу жасап, мерекеге байланысты лебізін білдірді.
Осы ретте Исатай Рахметоллаұлы партияның салмағын ұғынып, өз еркімен "Адал" партиясынан "AMANAT"-қа ауысуға ниет білдірген сайқындық Бақытжан Есляшеваға, сонымен қатар партия мүшелігіне жаңадан қабылданып жатқан тағы да сегіз азаматқа партия билеттерін табыстады.
Раушан Жанатқызы,
Бөкей ордасы ауданы
zhaikpress.kz
