Қырғызстаннан Қазақстанға тағы 11 тонна қант экспорттамақ болған. Бұл туралы Қырғыз Республикасы Ұлттық қауіпсіздік мемлекеттік комитеті Шекара қызметінің ақпарат және коммуникациялар департаменті мәлімдеді. Бұл туралы Кабар агенттігіне сілтеме жасап ҚазАқпарат хабарлайды.
Сурет: ҚазАқпарат
«Ақ Жол-автожол» бақылау-өткізу бекетіне «Мерседес-Бенц» маркалы екі жүк автокөлігі келді. Көлік тізгінінде Қырғызстан Республикасының азаматтары - 1991 жылы туған Т.У. және 1992 жылы туған С.Н. болған.
«Жүргізушілер шекара нарядына көлікте ұн өнімдері (китлап) бар екендігі көрсетілген ілеспе құжаттарды ұсынды. Тексеру кезінде шекарашылар ұн жәшіктерінің артына жасырылған 11 тонна қантты тапты», - деп хабарлады ведомстводан.
Жүргізушілер жалған құжат арқылы Қырғызстаннан Қазақстанға қантты заңсыз экспорттамақ болған. Қырғызстан Республикасы Ұлттық қауіпсіздік мемлекеттік комитетінің Шекара қызметі Қырғыз Республикасы Министрлер кабинетінің шешімімен елден түйіршіктелген қант пен шикі қантты алты айға дейін экспорттауға (экспорттауға) уақытша тыйым салынғанын атап өтті.
Тиісті құжаттар толтырылған соң жүргізуші мен жүк құзырлы орган қызметкерлерінің қарауына берілді.
