Бүгін оралдық кәсіпкер Еркін Мұқанғалиевті қасақана өлтірді деген күдікті Руслан Қожантаев пен Тұрлан Амангелді екі айға қамауға алынды.
Аталған сот шешімін Орал қалалық мамандандырылған тергеу сотының судьясы Раушан Исмайылова оқып, күдіктілерді қамауға алу туралы санкция шығарылғандығын мәлімдеді.
Айта кетейік, Руслан Қожантаев Теректі ауданының азаматы. Ұлты қазақ, білімі орта. Отбасылы, бұрын сотталмаған.
Ал, екінші күдікті Орал қаласының тұрғыны Тұрлан Амангелдінің де ұлты қазақ, бұрын сотталмаған, отбасын құрмаған, жұмыссыз.
Жанат Көшкінбай,
zhaikpress.kz
