Санитариялық-эпидемиологиялық саламаттылық саласындағы мемлекеттік қызметте көрсетілетін мемлекеттік қызмет түрлері:
Фото дереккөзі: khabar.tv
1.«Эпидемиялық мәні жоғары объектінің халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі туралы санитариялық-эпидемиологиялық қорытынды беру» мемлекеттік көрсетілетін қызметі Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті және оның аумақтық бөлімшелері «электрондық үкімет» www.egov.kz, www.elicense.kz веб порталы арқылы көрсетеді.
Мемлекеттік қызметті көрсету мерзімі - 10 (он) жұмыс күні.
2. Қоршаған ортаға зиянды заттар мен физикалық факторлардың жол берілетін шекті шығарындылары мен жол берілетін шекті төгінділері, санитариялық қорғау аймақтары мен санитариялық-қорғаныш аймақтары бойынша нормативтік құжаттама жобаларының, шикізат пен өнімнің жаңа түрлерінің халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі туралы санитариялық-эпидемиологиялық қорытынды беру тәртібі мемлекеттік көрсетілетін қызметі Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті және оның аумақтық бөлімшелері «электрондық үкімет» www.egov.kz, www.elicense.kz веб-порталы арқылы көрсетеді.
Мемлекеттік қызметті көрсету мерзімі - 10 (он) жұмыс күні.
3. Халықтың санитариялық-эпидемиологиялық саламаттылығы саласындағы мемлекеттік бақылау мен қадағалауға жататын тамақ өнімін өндіру объектілеріне есепке алу нөмірлерін беру мемлекеттік көрсетілетін қызметі Қазақстан Республикасы Денсаулық сақтау министрлігінің Санитариялық-эпидемиологиялық бақылау комитетінің аумақтық бөлімшелері «электрондық үкімет» www.egov.kz, www.elicense.kz веб-порталы арқылы көрсетеді.
Тамақ өнімін өндіру объектісіне есепке алу нөмірі тамақ өнімін өндіру объектісі қызметінің барлық кезеңіне беріледі.
Мемлекеттік қызметті көрсету мерзімі - 5 (бес) жұмыс күні.
4. «Патогендіктің I-IV топтарындағы микроорганизмдермен және гельминттермен жұмыс істеуге рұқсат беру» мемлекеттік көрсетілетін қызмет Қазақстан Республикасы Денсаулық сақтау министрлігінің Санитариялық-эпидемиологиялық бақылау комитетінің аумақтық департаменттері «электрондық үкімет» www.egov.kz, www.elicense.kz веб-порталы арқылы көрсетеді.
Мемлекеттік қызметті көрсету мерзімі - 10 (он) жұмыс күні.
Л.Утешева,
БҚО санитариялық-эпидемиологиялық
департаментінің бөлім басшысы
