Сонымен қатар центрифугалар, жылу алмастырғыштар және конденсаторлар сияқты химиялық жабдықтың 16 түрін экспорттауға тыйым салынды.
Жапон билігі бұған дейін Украинадағы жағдайға байланысты Ресей Федерациясына қатысты шектеу шараларының бірнеше кешенін бекіткен болатын. «Открытие» банкі, Новикомбанк, Совкомбанк, ВТБ, «Россия» банкі, Промсвязьбанк, ВЭБ.РФ, Сбербанк және Альфа-банктің, сондай-ақ Ресейдегі 40-қа жуық ұйымдар мен компаниялардың активтерін бұғаттады.
Экспортқа тыйым салынған тауарлар мен технологиялар тізбесі 400-ден астам атауды қамтып отыр. Соның ішінде жартылай өткізгіштер, теңіз және авиация қауіпсіздігіне арналған жабдықтар, телекоммуникация құралдары, байланыс құралдары, әскери мақсаттағы бұйымдар, соның ішінде қару-жарақ, бағдарламалық қамтамасыз ету, мұнай өңдеу жабдықтары, жүк көліктері, жүкті өзі түсіретін көліктер, бульдозерлер, өнеркәсіпте қолданылатын темір жол локомотивтері, станоктар және басқа электр жабдықтары бар. Ресейге сәнді тауарлар, соның ішінде құны 6 млн иеннен (шамамен 49 мың доллар) асатын көліктерді жеткізуге тыйым салынды, сондай-ақ Ресейден алтын әкелуге тыйым салынды.
