Облыс әкімі Ғали Есқалиев өткен жұма күні Қаратөбе, Сырым аудандарына іссапармен барып, жергілікті тұрғындармен кездесті. Сондай-ақ аталмыш аудандарда салынып жатқан нысандардың құрылыс қарқыны мен жұмыс сапасын бағамдады.
Өңір басшысы алдымен Қаратөбе ауданының Сулыкөл ауылдық округіне барып, былтыр шілде айында қадасы қағылған мешіттің құрылысымен танысты. Ғибадат үйінің қабырғасы қаланып, төбесі жабылып, күмбезі көтерілген. Енді жылыту жүйесі мен ішкі әрлеу жұмыстары жүргізіліп, қажетті жабдықтармен қамтылмақ. Айналасына тал-терек те егілмек. Айта кетсек, бұл мешіт 1981 жылы туған сулыкөлдік Жасұлан Әсетов, Ержан Қожаниязов, Нұрбек Сағынбаев және Нұржан Боранқұлов есімді азаматтардың демеушілігімен салынуда.
Гүлсезім Бияшеваның бұл мақаласының толық нұсқасын "Орал өңірі" газетінің 18 қазандағы №123 (21152) санынан оқи аласыздар.
