Теректі ауылындағы №387 сайлау учаскесіне алғашқылардың бірі болып аудан әкімі Тілек Габдушев келді. Аудан басшысы отбасымен бірге таңдауын жасап, сайлаудың жоғары деңгейде өтетіндігіне тілекші екендігін білдірді.
-Сайлауға қатысу, өз пікіріңді қалыптастыру – қоғам үшін аса маңызды. Соны жете түсінген аудан халқына ризашылығымды жеткіземін. Сайлау учаскілеріне ағылған халықтың көңіл күйі көтеріңкі. Қазыналы қарттарымыз дауыс беріп, жастар тарапына үлгі болып жатқандығы қуантады. Әр теректіліктің дауысы еліміздің қарыштауына себепкер болады, -деді Теректі ауданы әкімі Тілек Александрұлы.
Әділет Орынбасаров,
Теректі ауданы
zhaikpress.kz
