Ақпарат және қоғамдық даму вице-министрі Серік Егізбаев Бәйтерек ауданы тұрғындарын жеке қабылдауда.
Оның жеке қабылдауында болғандардың бірі - аудандық жастармен жұмыс жөніндегі ресурстық орталықтың басшысы Жанар Губашева.
- Вице-министрге дін саласында жүрген теолог мамандардың мәртебесі туралы мәселені айттым. Аудандық жастармен жұмыс жөніндегі ресурстық орталықта екі теолог маман бар. Бірақ жалақылары мардымсыз. Оларға қызметтік үй де қарастырылмаған. Ешқандай мемлекеттік санатқа жатпайды. Әлеуметтік жағдайлары шешілмегендіктен ауданға мамандар тұрақтамайды, - дейді Жанар Губашева.
Ал вице-министр бұл сұрақ назарда болатынын және мәселе негізінен жергілікті бюджеттің есебінен шешілетінін айтты.
Динара Тілекқызы,
zhaikpress.kz
Суретке түсірген: Салим Мамбеталиев
