Жуырда Астана қаласында «Қазақстан Республикасының жылдың үздік маманы» патриоттық байқауының жеңімпаздарын марапаттау рәсімі өтті.
Байқау «Bilim-orkenieti» орталығының бастамасымен мемлекет басшысы Қасым-Жомарт Кемелұлы Тоқаевтың «Жаңа Қазақстан жаңару мен жаңғыру жолы» атты Қазақстан халқына жолдауын кеңінен насихаттау, Тәуелсіздік жылдары өз мамандығының хас шебері атанып, еліміздің дамуына үлес қосып жүрген азаматтарды үлгі ету мақсатында еліміздегі барлық сала өкілдері арасында екі кезең бойынша ұйымдастырылған болатын. Осы байқауға қатысқан Шыңғырлау ауданына қарасты Алмаз ауылдық кітапханасының кітапханашысы Жарқынай Жетмекова, аудандық мәдени-демалыс орталығының аккомпаниаторы Әсемгүл Бисенқұлова мен "Шыңғырлау" спорт клубының ұлттық спорт түрлерінен әдіскер-нұсқаушысы Бекболат Файзуллин байқау кезеңдерінен сүрінбей өтіп, шыңғырлаулық мамандар ел үздіктері қатарынан көрінді.
9 желтоқсан күні Астана қаласында өткен байқау қорытындысында олар «Қазақстан Республикасының жылдың үздік маманы» төсбелгісімен және І-дәрежелі дипломдарымен марапатталды.
Өз салалары бойынша озық шығып, ізденіспен жұмыс істеп келе жатқан жастарымыз әлі де талай биіктерден көріне береріне сенеміз.
Н.Айқын,
Шыңғырлау ауданы
zhaikpress.kz
