«Жайық Пресс» ЖШС бас директоры Табылғали Сатқалиұлы Сапаровтың 2022 жылғы 26 желтоқсандағы № 96 ж/қ бұйрығымен Ақташев Бегайдар Тарасұлы аудандық «Қаратөбе өңірі» газетінің бас редакторы қызметіне тағайындалды.
27 желтоқсанда аудан әкімі Қадыржан Сүйеуғалиев жаңа басшы Бегайдар Тарасұлын аудандық газет редакциясы ұжымына таныстырып, алдағы қызметіне сәттілік тіледі.
Қадыржан Орынбасарұлы осы кезге дейін газеттің бас редакторы қызметін атқарған Серік Жәлелұлына ризашылығын білдірді.
Акташев Бегайдар Тарасұлы, 1991 жылы 1 маусымда Батыс Қазақстан облысы, Қаратөбе ауданы, Шөптікөл ауылында дүниеге келген.
Бегайдар Тарасұлы Исламтану колледжін, М.Өтемісұлы атындағы Батыс Қазақстан мемлекеттік университетін ғылыми тарих мамандығы бойынша бітірген. Білімі жоғары.
Алғашқы еңбек жолын 2013 жылы Қаратөбе балалар шығармашылық үйінде кіші қызметкер болып бастаған. 2014 жылы «Мұхит жастары» ЖҚБ-не ұйымдастырушы маман, теолог қызметтерін атқарған. «Үлкен Еңбек НОБ» мектебінде 2014-2015 жыл аралығында жастар практикасымен тарих пәнінің мұғалімі болып, 2015-2016 жылдары «Сырым аудандық жастармен жұмыс жөніндегі ресурстық орталығында» кеңесші маман қызметін атқарған. 2016-2021 жылдар аралығында «Қаратөбе колледжінде» тарих пәнінің оқытушысы, 2022 қаңтар айынан қараша айына дейін «Ханкөл ЖОББМ»-де тарих пәнінің мұғалімі болып қызмет атқарған. Ағымдағы жылдың желтоқсан айының 27-сінен аудандық «Қаратөбе өңірі» газетінің бас редакторы міндетін атқаруда.
Үйленген, 3 ұл, 1 қызы бар.
Ерболат Райсов,
Қаратөбе ауданы
zhaikpress.kz
