Теректі аудандық мәдениет, спорт және тілдерді дамыту бөлімінің ұйымдастыруымен «Жыл үздігі—2022» спортшыларды марапаттау рәсімі өтті.
Шараға қатысқан аудан әкімі Тілек Габдушев жаңа жыл мерекесімен құттықтады.
— Жыл бойы спортшыларымыз түрлі додаларда топ жарып, үздік атанды. Келер жылы да жетістіктер мол боларына сенімдімін, —деді өз сөзінде ол.
Жыл қортындысы бойынша «Үздік команда» номинациясымен «Теректі» көкпар командасы, «Үздік спорт жанашыры» — Армат Сарсекенов, «Үздік мемлекеттік қызметкері» — Дмитрий Бердников, «Үздік федерация» — «Бәйге федерациясы» марапатталды.
Сондай-ақ, ауданымыздың балалар жасөспірімдер спорт мектебінің бірқатар спортшылары БҚО дене шынықтыру және спорт басқармасының басшысы Қаймен Есендияровтың алғыс хатын иеленді.
Ал Алина Губашева, Бекзат Жанғожин (Подстепный ауылы), Маханбет Мұратбектерге (Ақжайық ауылы) «Үздік жас спортшы», Жақсыбек Демеуов (Сарыөмір ауылы) пен Елтай Әмірхановқа (Қоғалтүбек НМ)«Үздік жаттықтырушы» аталымдары берілді.
Балнұр Қанаева,
Теректі ауданы,
zhaikpress.kz
