Қазақстанның халық жазушысы, Қазақ ССР мемлекеттік сыйлығының лауреаты, тәуелсіз “Тарлан” сыйлығының иегері, публицист, сыншы, драматург, поэзия пайғамбары саналған Қадыр Мырза Әлидің туғанына 88 жыл толуына орай жерлестері рухына тағзым жасады.
Жымпитының қақ ортасында қасқайып тұрған қазақтың Қадырын еске алу шарасына аудан әкімінің орынбасары Артур Шерғалиев пен аудандық білім беру бөлімі басшысының міндетін атқарушы Әділ Ахмет ескерткіш басына гүл шоқтарын қойды.
Шараға бірқатар мекеме басшылары, ұстаздар мен оқушылар қатысты.
Қадыр Ғинаятұлы аталарын еске алған сырымдық оқушылар Амандық Нұртаза мен Алтынай Амангелді “Ел және мен”, “О, тіршілік” өлеңдерін оқып ақын рухына өлеңмен құрмет көрсетті.
Айжан Бауыржанқызы,
Сырым ауданы
zhaikpress.kz
