Кеше Сырым ауданы орталығы Жымпитыда Қ.Мырзалиев атындағы мектеп жанында орналасқан мұз айдыны ашылып, көпшілік коньки тебуден сырғанау өтті.
Әуесқой коньки шеберлеріне аталмыш көңіл күй сыйлаған аудандық “Қайсар” спорт клубы мен Сырым колледжінің негізгі мақсаты XXXl дүниежүзілік қысқы универсиадада өнер көрсетіп жатырған Қазақстанның студенттер құрамасын қолдау болатын.
Сырғанау кешіне аудан әкімінің орынбасары Артур Шерғалиев, аудандық ішкі саясат бөлімінің басшысы Досжан Тайшиев, Сырым колледжінің директоры Санат Берсебаев, “Қайсар” спорт клубының директоры Ерболат Мұқанов, жастар ресурстық орталығының басшысы Сәкен Мұса, Қ.Мырзалиев мектебі директорының міндетін атқарушы Меруерт Жұмағали қатысып, қолдау көрсетті.
Алаңда жас та, жасамыс та көңілді әуен толқынымен қыс қызығына кенелді.
Ұйымдастырушылардың бірі, Сырым колледжінің директоры Санат Дәленұлы аталған сырғанақ тебу челленджін аудандық халыққа қызмет көрсету орталығы мен Халық банк ұжымына жолдады.
Айжан Амангелдина,
Сырым ауданы
zhaikpress.kz
