Бүгін «AMANAT» партиясы Казталов аудандық филиалының кезектен тыс XL конференциясы ұйымдастырылды. Партия филиалының мәжіліс залында өткен саяси жиынға 45 делегат қатысты. «AMANAT» партиясы Казталов аудандық филиалының төрағасы Сакен Ищанов делегаттарды конференцияның жұмысшы органдарымен және күн тәртібімен таныстырды.
Конференцияның күн тәртібіне сәйкес, бір мандатты округтер бойынша аудандық маслихатқа кандидаттар ұсыну қарастырылды. Сонымен қатар, «AMANAT» партиясы Батыс Қазақстан облыстық филиалының кезектен тыс ХХХІІ конференциясына делегаттар сайланды.
Конференция қатысушылары еліміздегі саяси реформаларды қолдайтындықтарын, алдағы сайлау науқанына белсенді түрде қатысатындығын жеткізді.
Бекарыс Әбіш,
Казталов ауданы
zhaikpress.kz
