Өткен жұмада «ADK MEDICAL» ЖШС №6 қалалық емханаға су жаңа 4 анализатор сыйға тартты.
– Медициналық жабдықтарды БҚО іскер әйелдер кеңесінің қайырымдылық акциясы аясында тарту еттік. Оларды емхананың зертханасы тегін пайдаланады. Гемотологиялық, биохимиялық, несеп және коагулометр анализаторлары талдама жасайды. Жабдықтар – әлемдегі ең ірі Mindray компаниясының өнімі. Біз – Қытайдағы аталмыш ірі компанияның өкіліміз. Егер басқа да медициналық ұйымдардан тапсырыс түссе, оларға да құрал-жабдықтарды жеткізіп береміз, – деді серіктестіктің директоры Мөлдір Жарлығасова. №6 қалалық емхана зертханасының меңгерушісі Гүлбағида Өтепованың айтуынша, жаңа жабдықтар зертхананың жұмысын жеңілдетеді. Себебі зертханалық талдамалар тез дайын болады. Мысалы, BS-240Pro құрылғысы бір сағатта 200 сараптама дайындайды. Ал бұған дейінгі аппарат сағатына 60 сараптама жасаған.
Өз тілшіміз
