-Бұл бастаманы өткен жылы қолға алған болатынбыз. Ауыл жастарының қолдауымен 150 мың теңге қаражат жинап, қол күресіне арналған арнайы үстел сатып алып, Жаңажол ауылдық округі әкімі аппаратының қолдауымен жаттығу залын да аштық. Қазіргі уақытта ауыл азаматтары жаттығу залына келіп, қабілеттерін шыңдап жүр. Бұл спорт түрінен алыс адам емеспін. Облыстық, республикалық чемпионаттарда да, Алматы қаласында студенттер арасындағы додалар да осы спорт түрінен жүлделі орындарды қанжығама байлап жүрмін. Енді үйренгенім мен түйгенімді ауыл азаматтарына да үйретіп, жаттықтырып, чемпиондар шығарсам деген жоспарым бар, - деді Ғасырбек Нағымов.
Ғасырбек жинақталған қаржының бір бөлігін өз қалтасынан шығарған. Оның бұл әрекеті ауылдастарына да ой салып, тиісті қаражан жиналған. Жас спортшының сөзіне сүйенсек, бұл тек бастамасы. Алдағы уақытта тағы да арнайы үстел мен жаттығуға қажетті спорттық жабдықтарды алу, жас спортшыларды салалық спортқа баулу жоспарларында бар. Тек қаржы қол байлап тұрғанын жасырмады. Елімізде бұқаралық спортқа қолдау артып келе жатқаны мәлім.
Асылбек Нәсіпқали,
Казталов ауданы
zhaikpress.kz