Көктемнің алғашқы күнінде Бөкей ордасы ауданы әкімі Нұрлыбек Даумов, аудандық ардагерлер кеңесінің төрағасы Тілеген Арыстанбеков, аудандық аналар кеңесінің, «Нарын шуағы» әйелдер қоғамдық бірлестігің төрайымы Гүлжан Бисекенова және Сайқын ауылдық округінің әкімі Шыңғыс Абдоллин Сайқын ауылындағы Мінәш Нұрғалиева, Егінғали Мақсотов және Анна Марченко есімді еңбек ардагерлерінің шаңырағына бас сұғып, айтулы мерекемен құттықтады.
Ақсақалды атамыз бен ақ жаулықты аналарымызға құттықтау хат пен сый-сияпат табысталды.
Өз кезегінде ауылымыздың құрметтілері аудан басшысы бастап келген топқа шынайы ризашылығын білдіріп, ақ тілектері мен баталарын берді.
Дәл осы күні М-С.Бабажанов атында орта мектебінің 8 «а» сынып оқушылары аудан әкімі Нұрлыбек Даумовты және мекеме қызметкерлерін аталмыш мерекемен құттықтап, жылы лебіздерін жеткізді. Аудан басшысы Нұрлыбек Даумов, аға буын өкілдері Тілеген Арыстанбеков пен Гүлжан Бисекенова оқушыларға алғыстарын айтып, ризашылықтарын білдірді.
Мектеп оқушылары жай құттықтап қана қоймай, ән шырқап, күй де тартты.
Темхар Рахметолла
Бөкей ордасы ауданы
