25 наурыз 14:00-де Бөрлі ауданының, Ақсу ауылдық округі, Ақсай қаласынан 30 шақырым қашықтықта Батыс Қазақстан облысы ТЖД қызметкерлері 24 наурызда жеңіл көлікпен шығып, оралмаған екі азаматты іздеді. Бұл туралы Батыс Қазақстан облысы Төтенше жағдайлар департаментінің баспасөз қызметі хабарлады.
Іздеуге ТЖ департаментінің құтқарушылары мен техникасы, «Қазавиақұтқару» қызметкерлері мен тікұшағы жұмылдырылды.
Құтқарушылардың жедел іс-қимылдарының арқасында 25 наурыз күні сағат 15:18-де екі азамат Ақсу кенті мен Ақсай қаласының арасынан табылған.
Екеуінің де жағдайы ойдағыдай. Медициналық көмекті қажет етпеді.
Батыс Қазақстан облысы Төтенше жағдайлар департаменті облыс тұрғындары мен қонақтарын қарапайым қауіпсіздік ережелерін сақтауға шақырады:
- бір жерге барған кезде туыстарыңыз бен достарыңызға жол жүру бағытыңыз бен үйге қайту уақытын айтыңыз;
- ұялы телефонды қайта зарядтаңыз және теңгерімді толтырыңыз, Ұялы телефоннан басқа, механикалық сағаттың болғаны абзал;
- ашық түсті киім киіңіз, дәл сондай киімді өзіңізбен бірге алыңыз;
- сөмкеңізде ысқырғыш, сіріңке, компас, азық-түлік, су, алғашқы медициналық көмек қобдишасы, балта, боулинг, жәндіктерге қарсы құрал, от жағуға арналған құрғақ алкоголь таблеткалары сияқты барлық қажетті заттар болуы қажет.
