Белгілі қоғам қайраткері Сатқали Сапарұлын еске алуға арналған шағын футболдан аудандық ашық турнирге қатысушы 16 команда ойыншылары Жаңақала мектеп-гимназиясында және аудандық спорт кешенінде тартысты ойын көрсетуде.
Жаңақала мектеп-гимназиясындағы ала доп бәсекесін Бірлік және Көпжасар ауылдық округтері бастап, Бірлік ауылы 1 ұпаймен алға шықты.
Одан әрі жастармен жұмыс жөніндегі ресурстық орталық пен Мәстексай ауылы да қызықты ойын көрсетіп, Мәстексай ауылы 1 ұпайға есе жіберді.
Жалпақтал ауылы мен Қызылоба командалары 4:4 ұпаймен тең түссе, Теректі мен Пятимар ойынында теректіліктер 4 ұпаймен алға шықты.
Жаңақала мектеп-гимназиясындағы 8 команда ішінен үздік шыққан 2 команда финалға жолдама алады.
Футболдан ашық турнирдің өту барысы жайында алдағы уақытта хабарлап отырамыз.
Н.Дүйсенбаева,
Жаңақала ауданы
zhaikpress.kz
