Жаңақала аудандық партия комитетінің бірінші хатшысы болған Сапаров Сатқали Сапарұлын еске алуға арналған шағын футболдан турнир мәреге жетті.
Спортшылардың ойыны нәтижесінде Жарас Нұрғалиев «Үздік ойыншы», Орынғали Сағынов «Үздік қорғаушы» және Мейрамбек Ғұбайдуллин «Үздік қақпашы» номинациясымен марапатталды.
«Жеңіске деген жігері үшін» номинациясын және 20 мың теңгелік ақшалай сыйлықты Кілем Сервис командасына Қуаныш Сапаров табыстаса, жүлделі ІІІ орын алған жастармен жұмыс жөніндегі ресурстық орталық ойыншыларына тиісті дәрежелі диплом және 100 мың теңгелік сертификат табыстау Әбілғазы Сапаровқа бұйырды.
Жүлделі ІІ орынмен және 120 мың теңгелік сертификатпен Казталов ауданының командасы марапатталса, Бірлік ауылдық округінің командасы жеңімпаз атанып, Фазылғали Сапаров ағамыздың қолынан диплом және 150 мың теңгелік сертификатқа ие болды.
Нұргүл Дүйсенбаева,
Жаңақала ауданы
zhaikpress.kz
