Қазақстандық аралас жекпе-жек шебері Азат Мақсұм 16-0 рекордтық көрсеткішімен UFC-ге ауысты. Бұл туралы OCTAGON лигасы ресми түрде хабарлады.
Фото: massaget.kz
Тарихта алғаш рет Қазақстанда құрылған лигаға әлемнің үздік промоушні есік ашты. Азат Мақсұм өз салмағында бірде-бір рет жеңіліп көрмеген OCTAGON лигасы чемпионы атағына ие. Біз Мақсұмның UFC-мен келісімге келгеніне өте қуаныштымыз. Азат – OCTAGON лигасы жауынгерлері үшін ашылатын мүмкіндіктердің жарқын дәлелі, - деп жазды лига.
Айта кетейік, осыған дейін UFC ұйымымен Асу Алмабаев келісімге қол қойған еді. Екі спортшы да ең жеңіл салмақта бақ сынайды.
massaget.kz
