Танымал UFC файтері Шавкат Рахмонов «Ләйлә Сұлтанқызы» ютуб-арнасына берген сұхбатында әйеліне деген сезімі туралы айтып берді, деп хабарлайды Prosports.kz.
Фото: Шавкат Рахмоновтың instagram парақшасынан
- Уйде қай тілде сөйлесесіңдер?
- Негізінде қазақша сөйлесеміз, балабақша қазақша, бірақ балалар орысша сөйлейді, қоршаған орта әсер етуі мүмкін шығар.
- Қыдырғанның ішінде тауға бару, велосипед тебу, кинотеатрға бару. Қыдыру сіз үшін не?
- Иә, мен жаяу жүргенді, велосипед тебуді жақсы көремін. Киноға барсам адамдар мазалайды, суретке түсуді сұрайды, демалғандай бола алмайсың. Сол үшін әйелім киноға неге шақырмайсың деп сұрайды.
- Енді әйелдердің барлығы сондай, біз романтика күтетін шығармыз мүмкін. Әйеліңіз спорт саласынан ба?
- Бұл туралы айтқым келмейді. Мүмкін бұрын қатысқан шығар, бірақ негізінде спорт саласынан емес.
- Ол қай саладан?
- Ол енді оқуды бітіріп жатыр, үзіліс болды.
- Әйеліңізге сыйлық пен гүлді қаншалықты жиі сыйлайсыз?
- Шынымды айтсам, мен романтик емеспін.
- Әйеліңіздің ренжуіне себеп бар екен ғой, шетелге апармайсың, гүл сыйламайсың, үнемі үйде балалармен ба?
- Балаларыма көп уақыт өткізуге тырысамын. Олар да мені жақсы көреді, іздейді.
- Үлкен қызың біле ме, чемпион екеніңді түсіне ме?
- Иә, егер теледидардан немесе интернеттен бір жерден көрсе, бұл менің әкем деп айтып, қолымен соққыларды көрсетеді.
- Шавкаттың қорқынышы. Сен неден қорқасың?
- Құдайдан қорқамын. Бірақ мен адам болғандықтан, әртүрлі қорқыныштар болады. Бұл сұраққа жауап беру оңай емес.
- Шавкаттың арманы?
- Армандарымды айта алмаймын. Меніңше, бұл дұрыс емес сияқты.
