Бүгін Жаңақала ауданына БҚО әкімінің орынбасары Бақытжан Нарымбетов және облыстық депутат Ербол Салықов жұмыс сапарымен келді. Алдымен С.Меңдешев ауылдық округіне ат басын бұрған Б.Хаберұлы ауылдағы білім ордасының жай-күйімен танысты.
Аудандық білім беру бөлімінің басшысы Руслан Ғұмар аудан бойынша тозығы жеткен мектептермен және мектеп жатақханаларын айтып, алдағы уақытта салынатын білім ұйымдарының жобасына да тоқтала өтті. Сонымен қатар жоспарда тұрған 150 орындық мәдениет үйінің құрылыс жұмыстарымен танысты. Әрі қарай жиналған ауыл тұрғындары округтегі бірнеше күрмеуі шешілмеген мәселелер төңірегінде сауалдарын жолдады. Одан соң аудан орталығына жол тартты.
Нұргүл Елтайқызы,
Жаңақала ауданы
zhaikpress.kz
