Қазақстан Республикасы Ұлттық ұланы 5517-әскери бөлімінің тәрбие бөлімшесінің бастығы майор Нұртілек Ғалымжанов және бөлімнің әйелдер кеңесінің мүшелері өздерінің көпбалалы әріптестерін, отбасы күнімен құттықтады.
Тәрбие бөлімшесінің бастығы майор Нұртілек Ғалымжанов бірінші кезектек көпбалалы әріптестерінің, әлеуметтік тұрмыс-тіршілігімен танысып, мүмкіндігінше Ұлтық ұлан тарапынан кез-келген әлеуметтік көмек көрсетуге дайын екендігін айтып өтті.
- Балалар біздің болашағымыз. Осы балалардың арасында ертеңгі мемлекеттік қызметкер, әскери қызметшілер, дәрігерлер, мұғалімдер тағыда басқа мамандық иелері шығады. Көп балалы отбасы - бұл бақыт қана емес, сонымен бірге үлкен еңбек, үлкен жауапкершілік. Олардың қажеттіліктерін, қандайда бір проблемаларын шешу ата – ана үшін басты міндет. Сондай – ақ біздің әскери бөлім үшін де көпбалалы отбасыларға қолымыздан келгенше көмек көрсету – басты назарымызда деді, - майор Нұртілек Ғалымжанов.
Өз кезегінде өздерін құттықтап келген әскерилерге 8 жастағы Раяна Жанайқызы барлық бауырларының атынан алғысын білдірді.
Айта кету керек, бұндай іс-шара қоғамдағы отбасылық құндылықтардың рөлін нығайту, жас ұрпақты үлкен өмірге дайындау және өскелең ұрпақты тәрбиелеу мақсатында өткізіледі.
Ертуған Әубакир,
капитан
zhaikpress.kz
