Бүгін Жаңақала аудандық мәдениет, тілдерді дамыту, дене шынықтыру және спорт бөлімінің қолдауымен мәдени демалыс орталығының ұйымдастыруымен "Жігіт сұлтаны - 2023" аудандық байқауы өтуде.
Аталмыш сайысқа аудан орталығынан және ауылдық округтерден 18-35 жас аралығындағы он жігіт қатысуда. Ер жігіттің бойындағы батылдығы, дарындылығы мен жігерлігі сынға түсетін байқау 5 кезеңнен тұрады.
Дәл қазір "Аттың даңқы жігіт қолында, жігіт даңқы өз қолында" және "Жігіттер бар нарқасқа..." атты байқаудың І мен ІІ кезеңі өтуде.
І кезеңде жігіт сұлтанына үміткерлер қазақ күресі, аударыспақ, жамбы ату сынды спорт түрлерінен сайысса, ІІ кезеңде ісмерлігі мен тұла бойындағы талантын көрсету мақсатында қолөнер туындыларын көрсетуі шарт.
Байқаудың келесі кезеңдері аудандық мәдени демалыс орталығында жалғасады.
Нұргұл Елтайқызы,
Жаңақала ауданы
zhaikpress.kz
