Бүгін Жаңақала ауданына Батыс Қазақстан облысының бірінші орынбасары Ержан Балтаев, облыс әкімінің кеңесшісі Алдияр Халелов, БҚО ауыл шаруашылық басқармасы басшысының орынбасары Денис Умашев, «Қазсушар» РМК БҚО филиалының басшысы Рауан Хусаинов, СПК «Aqjaiyq» өкілдері жұмыс сапарымен келді.
Аудан әкімі Алпамыс Көшкінбаев пен орынбасары Ерлан Қажиев және жеке кәсіпкер, аудандық мәслихат депутаты Саламат Сертеков Қызылоба ауылдық округіне қарасты өзі жетекшілік ететін «SanjarAgroService» ЖШС-ның асыл тұқымды мал шаруашылығы және екпе шөп егу жұмысымен таныстырды.
Одан соң С.Меңдешев ауылдық округіндегі Күйгін қыстағына жол тартып, «С.Меңдешев» ЖШС-ның 1000 басқа арналған бордақылау алаңының жетекшісі Мирлан Құспанов жоба жөнінде түсіндіріп өтті.
Одан әрі аудан орталығының кіре берісіндегі құрылыс жүріп жатқан азық-түлік маркетімен және аудандағы ең үлкен сауда орны «Saben» маркетімен кәсіп иесі Хамит Сәбенов таныстырып шықты. Кейін ет комбинаты және «Строй База» құрылыс заттары сауда орталығына ат басын бұрып, тыныс-тіршілігімен танысты.
Сапар барысы аудан бойынша «Ауыл аманаты» жобасы аясында атқарылып жатқан жұмыстар туралы аудан әкімдігінің мәжіліс залында өтетін жиналыста жалғасады.
Нұргүл Елтайқызы,
Жаңақала ауданы
zhaikpress.kz
