Бүгін Жаңақала колледжінің 60 жылдық мерейтойына арналған колледж білім алушылары мен 9 сынып мектеп оқушылары арасында волейболдан жарыс өтуде. Жарысқа Карманов ЖОББМ, Жаңақала мектеп гимназиясы, Жаңақала ЖОББМ, М.Жүнісов атындағы ЖОББМ, С.Меңдешев атындағы ЖОББМ, Айдархан ЖОББМ, Д.Нұрпейісова ЖОББМ, М.Мирманов ЖОББМ, Нұрымғалиев ЖОББМ және Жаңақала колледжі командалары қатысып, бақ сынауда.
Жарыстың ашылу салтанатында Жаңақала колледжінің директоры Самат Ермекқалиев және колледждің ардагер ұстазы Сансызбай Мырзашев мерейтойға орай өткізіліп отырған волейбол жарысына қатысушыларға сәттілік тіледі. Бас төреші Марат Есмагулов сайыстың барысымен таныстырып өтті. Сондай-ақ осы сайыстың өтуіне демеушілік жасаған «Жолаушы-Жол» ЖШС иесі Саламат Сертековке, «Хафиз» шаруа қожалығының иесі Бекболат Жағыпаровқа, «Ысмағұл» жеке кәсіп иесі Әділбек Исмагуловке алғыс айтылды.
Сайысқа сақадай сай спортшылар тартысты волейбол ойынын бастап кетті.
Нұргүл Дүйсенбаева,
Жаңақала ауданы,
zhaikpress.kz
