БҚО-да төрт айда жол апатынан 31 адам қаза тапқан. Бұл туралы БҚО Жергілікті полиция қызметі бастығының орынбасары Болат Жаңабаев айтты. Өкінішке орай, жол апаттарының саны азаймай отыр.
«Жыл басынан бері 98 жол апаты тіркеліп, 31 адам қаза тапты. 118 адам дене жарақатын алды. Жол-көлік оқиғалары көбіне қалада тіркеледі», - дейді Болат Жаңабаев.
Бүгін полиция өкілдері көпшіліктің назарын аудару үшін «Қауіпсіз жол» шарасын өткізді. Жеңіс алаңынан 10 шақты көлік шығып, қаланың басты көшесімен жүріп өтті.
Олармен бірге эвакуаторға жол апатынан зардап шеккен көліктер тиелген. Полиция қызметкерлері тізбекті бастап, көше бойындағы тұрғындарға жол-көлік қозғалысы ережелері туралы баяндады.
Жанат Көшкінбай,
Суреттерді түсірген автор
zhaikpress.kz
