Бүгін аудан орталығындағы «Қаратөбе сиезі» өткен тарихи орында 31 мамыр – Саяси қуғын-сүргін құрбандарын еске алу күніне арналған тағылымды шара ұйымдастырылды.
Тар жол, тайғақ кешуде өз өмірлерін құрбандыққа шалған Алаш қайраткерлерінің есімдері ұмытылмақ емес. Кейінгі ұрпаққа Алаш арыстарының қиындыққа толы өмірлері мен жанкештілігін насихаттау қасиетті борышымыз.
Тағылымды шарада Алаш қайреткерлерінің рухына Құран бағышталып, дұға жасалды. Тарихи маңызы зор шараға аудан әкімі Қадыржан Орынбасарұлы, қуғын-сүргін құрбандарының ұрпақтары, шараға арнайы келген қонақтар және дербес бөлімдер мен мекеме басшылары, ауыл тұрғындары қатысты.
Қуғын-сүргін құрбандарын еске алуға арналған шараға қатысушылар Алаш және Қ.Хасановтың тарихи-өлкетану музейін аралап ұлт азаттығы жолында күрескен Алаш қайраткерлері туралы мол мағлұмат алды.
Мәдени шара Ғ.Құрманғалиев атындағы аудандық мәдени-демалыс орталығында «Тағдыры тартысқа толы тау тұлға» атты КСРО оқу-ағарту ісінің озық қызметкері, ҚазССР оқу-ағарту ісінің үздігі, «Құрмет белгісі» орденінің иегері Тұрсынғали Қатауовты еске алу кешіне жалғасты.
Серікбай Хасанов,
Қаратөбе ауданы
zhaikpress.kz