Сырым ауданының әкімі Жұмагелді Батырниязовтың елді мекендердегі жұмыс сапары жалғасуда. Кешегі аптада аудан басшысы Жамбыл, Қызылағаш ауылдарында болып, әлеуметтік нысандармен танысты.
Жамбыл негізгі мектебі - ауылдың қарашаңырағы. Директор Жанат Брекеевтің айтуынша, негізгі мектептердің алдында екі мәселе тұр. Бірі - оқушылар санын, екіншісі - мамандарды сақтау. Ауылдағы кадрлар баспанаға зәру. Күн тәртібінде - оларға коммуналдық үй ұйымдастыру мәселесі тұр.
Басқа ауылдардан мектепте қызмет етуге келген мамандар Қызылағашта да бар.
Осыдан үш-төрт жыл бұрын ауылда жазғы спорт алаңы салынды. Оған Қызылағаштың әр үйі үлес қосты. Бірақ 12х24 метр өлшемді алаң әлі күнге еденсіз тұр.
Топырақтың үстінде доп қуған қарадомалақтар тегіс еден құйып, бетіне жасанды көгал төсеп беретін жанашыр жанды іздейді.
Мәселені Жұмагелді Жолдыбайұлының өзі де көріп, шешу жолдарын қарастыратынын айтты.
Бауыржан Ширмединұлы,
Сырым ауданы
zhaikpress.kz
