Бүгін Бірлік ауылында Жаңақала ауданының «Құрметті азаматы», «Алтын барыс» төсбелгісінің иегері Жанғали Ғұмарұлы Борашевтың өзі тұрған үйіне ескерткіш тақта орнатылды.
Алдымен Ж.Борашевтың рухына арнап құран бағышталып, өмірбаяндық дерегі таныстырылды. Жиын барысында аудан әкімінің орынбасары Ақнұрлы Еслямғалиева сөз сөйлеп, Ж.Ғұмарұлының досы Меңдібек Зейнеуовпен бірге ескерткіш тақтаны ашу рәсімін жасап, бір минут үнсіздікпен еске алды.
Шараға қатысқан ауданымыздың «Құрметті азаматы», ақын-жазушы Закария Сисенғали және досы Меңдібек Зейнеуов, ұлы Айбол Борашев пен қызы Салтанат Борашева ағамыз туралы естелік әңгімелерімен бөлісті.
Қонақтар Бірлік ауылдық кітапханасының дайындаған кітап көрмесімен танысып, одан әрі З.Сисенғали мен С.Борашева Ж.Ғұмарұлының «Көңіл көкжиегі» кітабының тұсауын кесіп, аталмыш кітапты келген қонақтарға тарту етті.
Нұргүл Елтайқызы,
Жаңақала ауданы
zhaikpress.kz
