Аудан орталығы Жымпитыда дәстүрге сай ауылшаруашылық жәрмеңкесі өтті.
Жәрмеңкеде Жымпиты, Бұлан, Жосалы, Жетікөл, Аралтөбе, Сарой, Қособа ауылдық округтерінің өнімдері сатылды.
Құрт, май, ет, ірімшік, тары, талқан, қайнатылған құрт, көже, айран секілді өнімдер Жымпиты мен Өлеңті тұрғандарына арзан бағада ұсынылды.
Атап айтсақ, орташа есеппен сиыр етінің келісі 2200 теңгеден болса, тауық жұмыртқалары 60 теңгеден, сары май 6000 теңгеден, ірімшік 700 теңгеден, тары-талқан 800, айран 250, қаймақтың 0,5 литрі 2300 теңгеден болды.
Аудан әкімі Жұмагелді Батырниязов орынбасары Ерболат Ахметовпен сауда қатарларын аралап, сатушылардың ұсыныс-пікірлерін тыңдады.
Айжан Амангелдина,
Сырым ауданы
zhaikpress.kz
