Жуырда «Жайлау» ат спорты кешенінде 2006-2008 жылы туған жасөспірімдер арасында ұлттық ат спорт түрлері аударыспақ және көкпар ойындарынан аудандық чемпионат өтті.
Чемпионатқа Жәнібек, Ақоба, Тау ауылдық округтерінің жас спортшылары қатысып, өздерінің тәжірибелерін шыңдады.
Жарыстың қорытындысында 42 келі салмақ дәрежесінде Рамазан Бақтығали (Жәнібек) І орын, Эльдар Сағынғали (Жәнібек) ІІ орын, Талғат Есім (Жәнібек) ІІІ орынға ие болды.
Ал 48 келіде Жанболат Керей (Тау) жүлделі бірінші орыннан көрінсе, Думан Қайрат (Ақоба) пен Ақниет Бақтығали (Жәнібек) екінші және үшінші орындарды қанжығаларына байлады. Сонымен қатар 54 келіде Дәурен Өрболатұлы (Тау) бас жүлдені иемденсе, Марсель Муталиев (Жәнібек), Нұртас Біләл (Жәнібек) ІІ мен ІІІ орындарды місе тұтты.
59 келіде Ерсұлтан Шафхатов (Жәнібек) І орын, Әлібек Еркеғұлов (Тау) ІІ орын, Жалғас Рамазан ІІІ орыннан көрінді.
65 келіде Нұрдәулет Самат (Тау) жеңіс тұғырынан көрінсе, Нұрдәулет Меңдіғұлов (Ақоба) ІІ орын иегері атанды. Ал жәнібектік Абылай Бисек (Жәнібек) ІІІ орын алды.
Көкпар жарысы бойынша барлығы екі команда қатысып, орындарды талассыз бөліп алды.
Лаура Халина
Жәнібек ауданы
zhakpress.kz
