Бүгін «Жас маман, сәт сапар!» атты түлектерге диплом табыстау рәсімі оздырылды. Колледж тарихында «Автокөлікке техникалық қызмет көрсету, жөндеу және пайдалану» мамандығы, «Техник-механик» біліктілігі бойынша алғашқы арнаулы орта білім алушылар және дәнекерлеу ісі, электромонтер, автомобиль жөндеу слесарі біліктіліктері бойынша оқып, бітірді. Колледж директоры С.Д.Ермеккалиев бітіруші түлектерге сәт-сапар тілеп, дипломдарын табыстады.
Сонымен қатар алғашқы колледж директоры «Қазақ ССР-ның кәсіптік білім беру ісінің озат қызметкері» Есенғали Көшмұхамбетұлы Лепесов атындағы бір реттік шәкіртақымен №72 оқу тобының бітіруші түлегі Жарасов Оралхан Салауатұлына және колледждің алғашқы арнайы пәндер оқытушысы КСРО-ның кәсіптік білім саласының ардагері Биғалиев Ғазиз Сисенғалиұлы атындағы бір реттік шәкіртақы №75 оқу тобының бітіруші түлегі Ергенов Асылан Тұрарбекұлына берілді.
Кеш барысында ата-аналар түлектерді құттықтап, ұстаздарға ризашылықтарын білдірді.
Қолледжбен тығыз қарым-қатынаста болып, бала тәрбиесіне ұстаздармен бірге атсалысқан ата-аналарды және өзінің сапалы білімімен, саналы тәрбиесімен колледждің қоғамдық өміріне белсене араласқан түлектер колледж директорының алғыс хаттарымен марапатталды. Барлық түлектерді диплом алу қуанышымен құттықтап, әлі де жоғары биіктерден көрінуін тілейміз. Сәт сапар, жас түлек!
А.Берікқызы,
Жаңақала ауданы
zhaikpress.kz
