Қазақстандық оқушылар 2023 жылдың 8-14 тамызы күндері Индонезияның Бандунг қаласында өтіп жатқан IGEO халықаралық географиялық олимпиадасына қатысып жатыр.
Бұл туралы ҚР-ның Оқу-ағарту министрлігі хабарлады.
Ел намысын география пәнінен республикалық олимпиаданың төрт жеңімпазы және екі жетекші қорғап отыр.
Айта кетсек, IGeO алғаш рет 1996 жылы Халықаралық географиялық одақтың (IGU) қолдауымен Гаагада өткізілген болатын. Қазақстан құрама командасы олимпиадаға 2012 жылдан бері қатысып, барлығы екі алтын, бір күміс және үш қола жеңіп алған.
Олимпиаданың негізгі міндеттері – оқушылардың географияға және қоршаған орта туралы ғылымдарға қызығушылығын ынталандыру, халықаралық өзара байланысты нығайту.
