Сырым ауданының Шолақаңқаты ауылдық округіне қарасты Құспанкөл ауылында «Өңірлерді дамыту» бағдарламасы аясында жаңа спорт алаңы салынып, пайдалануға берілді.
Бұл нысанның құрылысын мердігер «Жайық-Сити» ЖШС салды. Жоба құны - 23 млн теңге.
Шараның салтанатты түрдегі ашылу рәсіміне аудан әкімі Жұмагелді Батырниязов, ауылдық округтің әкімі Ерлан Журалиев, ауылдық ардагерлер кеңесінің төрағасы Абай Батырханов, ауыл тұрғындары қатысты.
Жаңа алаңның ашылу құрметінде аудан әкімі Жұмагелді Батырниязов құттықтау сөз сөйлеп, салауатты өмір салтын насихаттау бағытындағы іске қосылып отырған алаң жұмысына сәттілік тіледі.
Ауыл тұрғыны Сансызбай Қажығалиев нысанның ашылу рәсімінде ақжарма тілегін арнады.
Жаңа нысанның іске қосылуындағы салтанатты лента қию құрметін ауыл тұрғындары Абай Батырханов пен Сансызбай Қажығалиев жасап, әжелер шашу шашты.
Жаңа спорт алаңында бұл күні шағын футболдан аудан біріншілігі өткізілді.
Мүсірбек Әлібекұлы,
Суреттерді түсірген: Айман Өтеғалиева
Сырым ауданы
zhaikpress.kz
