Елімізде әр жыл сайын тамыз айының екінші демалысында сала қызметкерлері «Құрылысшылар күні» мерекесін атап өтетіні белгілі.
Аталмыш мерекені биылғы жылы да ескерусіз қалдырмаған «ҚазАвтоЖол» ҰК»АҚ орталық аппаратының сыртқы қарыздар департаментінің директоры Махамбетов Марат Сағымбайұлы мен «ҚазАвтоЖол»ҰК» АҚ БҚО филиалының директоры Мәмбетов Қазбек Ермекұлы «Құрылысшылар күні» кәсіби мерекесіне орай, автожолдар саласындағы қажырлы еңбегі үшін №41 Жалпақтал жол пайдалану бөлімінің жолшысы Тұяқбаев Мұхамбет Валиұлын «Құрметті жолшы» төсбелгісімен марапаттаса, Жалпақтал ауылдық округінің әкімдігі мен ардагерлердің бастауыш ұйымы Алғысхат пен естелік сыйлық табыс етті.
Еселі еңбегінің арқасында зор беделге ие болып, әріптестерінен үлкен марапат алған Мұхамбет ағамызға ауылдастары атынан төсбелгіңіз құтты болсын дейміз.
Қыдыр Харесұлы,
Казталов ауданы
zhaikpress.kz
