Қала күні мерекесі аясында "Жасыл қала", "Үздік маман", "Үздік фотосурет және бейнеролик" байқаулары өткізіліп, байқау жеңімпаздары мыңдаған оралдықтардың басын қосқан қала күніне арналған кең ауқымды шарада марапатталды.
«Жасыл қала» байқауының қорытындысы бойынша Орал қаласының санитарлық жағдайын жақсарту және абаттануына зор үлес қосқандары үшін Мөңкеұлы көшесі №107/1 үйі – «Үздік аула» аталымының жеңімпазы атанса, «Үздік мүлік иелерінің бірлестігі» аталымы бойынша Назарбаев көшесі №244/3, «Үздік бизнес нысан» аталымы бойынша «Uniserv Medical Center» ЖШС, «Үздік білім беру ұйымы» аталымы бойынша Жәңгір хан атындағы Батыс Қазақстан аграрлық-техникалық университеті, «Үздік денсаулық сақтау ұйымы» аталымы бойынша №5 қалалық емханасы жеңімпаз атанды.
"Үздік маман" байқауының «Үздік құрылысшы» аталымы бойынша «УРАЛЬСКВОДСТРОЙ» АҚ бас механигі Блинов Мирослав 1-орынды иеленсе, «Үздік мұғалім» аталымы бойынша Республикалық физика-математика мектебінің бастауыш сынып мұғалімі Сапарова Гауһар, «Үздік денсаулық сақтау қызметкері» аталымы бойынша Мырзахметов Арман, «Үздік сантехник» аталымы бойынша Муханбетов Бейбіт, «Үздік электрші» аталымы бойынша Саттар Ізбасарұлы, «Үздік тігінші» аталымы бойынша Миронова Ольга жеңімпаз атанды.
Сондай-ақ шаһардың әдемі көрінісі мен тыныс-тіршілігін бейнеге түсіріп жүрген Оралдықтар да марапатталды. «Үздік фотосурет» байқауы бойынша Давыдов Валерий 1-орынды иеленсе, Орал қаласына арналған тамаша бейнеролик жасаған Алмагүл Ізмағамбетова «Үздік видеоролик» байқауының жеңімпазы атанды. "Жасыл қала" байқауының жеңімпаздары арнайы дипломдармен марапатталып, 1 миллион теңгелік қаржылай сертификатқа ие болды. Ал "Үздік маман", "Үздік фотосурет және бейнеролик" байқаулары бойынша жеңімпаздарға арнайы дипломдар мен бағалы сыйлықтар табысталды.
«Ғасыр» жастар қоғамдық бірлестігінің баспасөз қызметі
