«Исатайдың «қаһарына қарсы тұрамын, халықшылдығына тоқтау саламын» деп, атойлаған Қарауылқожа да қарап қалмай, Исатайға қараған ауылдарды бірінен соң бірін тонауын тоқтатпады.
Оларға қарсы-қарым соғыста Исатай жасағы қуғын салып Райым бейіті маңында жолықтырып кездестіргенмен жақсы қаруланған Қарауылқожажасағы алдырмайды. Осы жорықта Исатай қолының 22 адамы тұтқынға түсіп, 20 адамы жаралы болып оралады.
Алайда есесін қайтаруда есебін жібермеген Исатай, қалың қолмен қайта оралып Қарауылқожаның ауылын шаңға бөктіріп, қожаның 550 жылқысын, 95 түйесі мен халықтан жиналған 3000 мың сом ақшасын қолды етеді.
Бұл туралы Қарауылқожа Орал атаманы полковник Покатилевке «Исатай ауылымды шауып кетті, 200 адамымды жаралады, бір адам өлді, үш адам өлім халінде», - деп Исатайдың үстінен арыз түсіреді.
Осылайша хандық пен қараның арасы алшақтай түсті.
Зұлхожа Шарафутдинов,
zhaikpress.kz
