Бүгін Жаңақала ауданында аудандық жастармен жұмыс жөніндегі ресурстық орталығының ұйымдастыруымен ұстаздар арасында қазақша «QUIZ» ойыны өтті.
Ойынға Жаңақала колледжі, Жаңақала мектеп гимназиясы, №2 мен №3 мектеп, Қызылоба ауылындағы Е.Орақбаев, атындағы мектеп, Бірлік ауылындағы М.Мирманов атындағы мектеп, Пятимар, Карманов мектеп бөбекжай балабақша кешені, Айдархан мектебі, С.Меңдешев атындағы және Дина Нұрпейсова атындағы мектептер қатысты.
Сонымен қатар жиында Орал қаласының ақпараттық талдау және жастармен жұмыс жөніндегі ресурстық орталығының басшысы Аманат Бектұрсынов пен аталмыш мекеменің маманы Гүлзия Ахметова және Темір Бүркіт қоғамдық бірлестігінің төрағасы Айдар Сатыбаев болды.
Жарыс бірнеше кезеңнен тұрды. Барлық кезең нәтижесінде Карманов мектебі ІІІ, №2 мектебі ІІ және №3 мектебі І жүлделі орындарды иеленіп, арнайы сыйлықтармен марапатталды.
Қалған мектептерге алғысхаттар берілді.
Жанна Миха,
Жаңақала ауданы
zhaikpress.kz
