Бүгін Жаңақала ауданындағы колледжде техникалық және кәсіптік, орта білімнен кейінгі білім беру ұйымдарының педагогтері арасында салалар бойынша республикалық кәсіби шеберлік байқауының облыстық кезеңі басталды.
Бұл конкурстың мақстаты салалар бойынша талантты, дарынды шығармашыл педагогтерді анықтау, қолдау білдіру.
Кәсіби шеберлік байқауына А.Иманова атындағы жол-көлік колледжінен Қуаныш Магзомов, Ақсай техникалық колледжінен Толқын Мамбетова, Бөкей Ордасы колледжінен Ернар Серіков, Бөрлі колледжінен Дархан Кажикаиров, Жаңақала колледжінен Нұрлыбек Абдешев, Орал политехникалық колледжінен Камшат Мулдашева, Орал ақпараттық технологиялар колледжінен Дамир Ернесов, Тасқала колледжінен Айбар Қанат, Теректі колледжінен Аслан Шерниязов қатысты.
Жалпы байқау көлік саласының жеңіл автокөлік құзіреттілігі бойынша өтеді. Аталмыш шараға Батыс Қазақстан облыстық білім беруді дамыту орталығы директорының орынбасары Нұрлан Сабиров, Жаңақала колледжінің директоры Самат Ермекқалиев қатысты.
Жанна Миха,
Жаңақала ауданы
zhaikpress.kz
