«Zhas Project» жобасы аясында шағын гранттар конкурсына өтінім қабылдау басталды.
Бұл туралы ҚР Мәдениет және ақпарат министрлігінің баспасөз қызметі хабарлады.
Жобаның мақсаты – ақпараттық-түсіндіру, білім беру және жастарға бағытталған жобаларды жүзеге асыру арқылы NEET санатындағы жастар арасында кәсіпкерлікті дамыту, жұмыссыз жүрген, ешқайда оқымайтын жастарға қолдау көрсету.
Биыл «Zhas project» жобасы еліміздің 20 өңірінде жүзеге асырылады. Өтінім қабылдау 22 қазанға дейін жалғасады.
«Zhas project» жобасы аясында (әр грантқа)1 миллион теңгеге дейінгі 280 шағын грант беру қарастырылған.
Конкурсқа 18 жастан 35 жасқа дейінгі NEET санатындағы қазақстандықтар қатыса алады.
Өтінім https://cisc.kz/zhas-project-shaghyn-granttardy-usynw-zhoenindegi-konkwrsqa-oetinimderdi-qabyldaw-bastaldy-72085.html сілтемесі бойынша қабылданады.
