Оқу-ағарту министрлігіне қарасты «Бөбек» обсерваториясының орталығында осы жылдың 25 қазаны-1 қарашасы аралығында М.Әбділдин атындағы «Адам, Жер, Ғалам» мектеп оқушыларының астрономиялық турнирі өтеді.
Оқу-ағарту министрлігінің хабарлауынша, астрономиялық турнир – еліміздің дарынды және астрономияға қызығушылығы жоғары мектеп оқушылары қатысатын жыл сайынғы дәстүрлі шара.
Биыл турнирде Қазақстанның 10 өңірінен қатысушылар бас қосты.
17 команда турнирдің әртүрлі кезеңдерінде, оның ішінде іріктеуде, жартылай финалда және ақтық финалда бақ сынайды. Қатысушылардың жұмыстары мен нәтижелерін университеттің тәжірибелі оқытушылары мен астрономия ғалымдарынан құрылған қазылар алқасы бағалайды.
