Қазан айы – қайырымдылық айы болғандықтан, ай бойы шаралар легі жалғасын табуда.
Соның ішінде дәстүрге сай Сырым аудандық жұмыспен қамту және әлеуметтік бағдарламалар бөлімінің ұйымдастыруымен "Мейірбандық күндері" айлығы шеңберінде ерекше күтімді қажет ететін жандардың қолынан шыққан бұйымдар қайырымдылық жәрмеңкесіне "жол тартты".
Жәрмеңкеге аудан әкімі Жұмагелді Батырниязов қатысып, бұйымдармен танысты.
Аталмыш шараға 17 ерекше жанның 90-ға жуық бұйымдары қойылды.
Оның ішінде, түрлі тастардан жасалған қазақы әшекейлер, тоқылған киім-кешек, бұйымдар, қазақы бас киімдерден бөлек, электронды жарнама, күміс қолғаппен жасалатын биоэнергиялық массаж құрылғысын да айта кету керек.
Айжан Амангелдина,
Сырым ауданы
zhaikpress.kz
